Category Archives: Computer

Adeus WhatsApp,Benvindu Telegram


tel1Telegram mak aplikasaun mensajeiru hanesan ho WhatsApp, ninia diferensa mak WhatsApp ne’e Gratuita tinan ida de’it, uza liu tinan ida ita tenke sosa nia lisensa, maibé Telegram ne’e Gratuita tinan ba tinan (Free Forever)

Liafuan “Telegram” halo ha’u hanoin hetan fali uluk tinan 90-99, iha tempu ne’ebá PT.TELKOM INDONESIA oferese servisu ida naran Telegram, atu haruka mesajen importante no urjénsia ho limitasaun liafuan 250, asesivel iha distritu 13 liu husi TELKOM nia edifísiu Distritál sira.

Ne’e duni fasil liu atu introduce Telegram ba ema Timor duke esplika naruk kona ba WhatsApp, atu dehan de’it katak iha Timor Telegram ne’e termu ba Sejuta Umat (jerasaun hotu komprende) no WhatsApp (WP) ne’e termu ba SEGELINTIR orang de’it mak komprende.

 Lao’s tanba naran no mós servisu gratuita, ha’u pesoál gosta Telegram tanba iha razaun fundamental 1 :

Cloud-Based: Telegram lets you access your messages from multiple devices.

Cloud-based katak iha fatin/space iha sira nia server mak bele rai ita-nia istória chat no media sira mak ita haruka/simu husi kolega sira.

Diferensa Cloud-based entre WhatsApp ho Telegram

WhatsApp mós uza Cloud-based maibé limita ka uza de’it atu backup ita nia chat history. Ezemplu, bainhira ita troka telemovel, muda SIM card ne’ebé uza ba WhatsApp ba fali Telemovel foun seluk, notifikasaun primeiru mak mosu depois ita ativa fali ita nia númeru ba WhatsApp iha telemovel foun, WhatsApp husu Do you want to restore your chat history? Bainhira ita hatán Yes, ita bele asesu fali istória chat sira pasadu nian iha telemovel foun. Ida ne’e mak servisu Cloud-based ne’ebé WhatsApp uza.

Telegram ninia servisu Cloud-Based modernu liu WhatsApp tanba fó liberdade mai ita atu asesu no uza Telegram ho device saida de’it no suporta multi OS.

  1. Telegram bele install iha iPhone, iPad, Android, Windows Phone, komputadór (Windows, Mac no Linux). Ba iPad nain sira: WhatsApp labele uza iha iPad, maibé Telegram BELE :-)
  2. Web-Base: ba sira ne’ebé lakohi Install Telegram, bele asesu de’it uza Internet Explorer, Firefox, Chrome, Opera no browser sira seluk.

Read the rest of this entry

Windows 7: Saida mak file Desktop.ini no Oinsá atu halakon?


Sempre mosu pergunta barak kona-ba tanba saida mak file Desktop.ini mosu iha folder hotu-hotu? Oinsá atu halakon? Mai ita komprende didi’ak funsaun file deskoñesidu ida ne’e.

Saida mak file Desktop.ini?

Kada folder/ pasta ida-idak iha windows sempre iha ida-idak nia file Desktop.ini, file ne’e ninia status hidden (Subar). Ninia funsaun atu fó-hatene sistema operasaun windows kona-ba oinsá atu display (hamosu) customize icon ba folder ida-idak.

Susar atu esplika customized icon iha Tetun, maibé ha’u hakarak fó ezemplu customized icon ne’ebé baibain ita hetan iha Windows nia folder sira.


Folder tolu ne’e nia laran, sira ida-idak iha ninia file Desktop.ini rasik atu fó-hatene Sistema Windows atu hamosu (display) tuir icon ne’ebé ita hili ona (Customized icon).

Bainhira ita delete file Desktop.ini iha folder Benito nia laran, icon camera ne’e sei lakon, sei mosu de’it folder Benito ho icon padraun hanesan folder Matadalan. Signifika katak Windows sei kria fali file Desktop.ini foun ho icon standard folder nian, ne’e duni solusaun Delete file Desktop.ini sei la iha rezultadu signifikante.

Tanba saida mak file ne’e derrepente de’it mosu?

Windows tau file ne’e hanesan system file no hidden. File ne’e so mosu bainhira ita muda iha folder setting, tau marka iha show hidden files, folders or drives. Atu halakon Desktop.ini, dalan simples ida mak tau marka iha Don’t show hidden files, folders or drives.
Read the rest of this entry

Download: PC Suite ba Telemovel Alcatel


Saida mak PC Suite? Hanesan ita hotu hatene, bainhira ita sosa telemovel foun, sempre mai ho CD ida hamutuk iha telemovel ninia kaixa.

PC Suite mak hanesan aplikasaun atu bele instala iha ita nia komputadór hodi bele rekoñese ita nia telemovel (driver) no mós bele maneja ita nia files, contacts, SMS, music, photo, video, aplikasaun, no seluseluk tan, ho PC Suite ita bele maneja ita nia telemovel husi ita nia komputadór.

Hanesan ita hotu hatene, bainhira sosa telemovel/tablet Samsung, ita sei hetan Samsung KIES (PC Suite ba Android), Samsung PC Suite ba Telemovel ho Operating System Symbian, Telemovel/Tablet Sony ninia PC Suite naran PC Companion, Nokia iha rua, ba Nokia tuan uza Nokia PC Suite no Nokia sira foun uza Nokia Suite, iPad/iPhone uza iTunes.

Entaun Telemovel Alcatel uza saida? Tanba sosa mai CD mós laiha tan J.

Ba sira ne’ebé mak iha Telemovel Alcatel, bele download Alcatel PC Suite iha ne’e.

Download E-book Gratuita: Instalasaun Tetun Spell Checks iha MS Office 2013


Prosedimentu instalasaun Tetun Spell Check iha MS Office, prosesu hanesan de’it, ninia diferensa iha parte tampilan ka menu ida-idak ninia versaun.

Ha’u hakarak fahe de’it e-book ne’ebé imi bele download, rai iha imi nia komputadór, atu nune’e bainhira haluha karik bele loke fila fali maski laiha internet.

 

Bele download iha ne’e Instalasaun Tetun Spell Checks iha MS Office 2013

Prosedimentu Simples: Instalasaun Tetun Spell Checking


Ba sira ne’ebé sei iha pergunta, oinsá atu uza Tetun Spell Checking bele hare etapa hirak tuir mai. Karik seidauk iha kopia Tetun Spell Checking, bele lee iha ne’e http://matadalan.wordpress.com/2014/04/18/download-tetun-spell-checking-2/

  1. Double klik iha file Tetun Spell Checking V1.0

  2. Accept

     

  3. Extract

     

  4. Read the rest of this entry
Follow

Get every new post delivered to your Inbox.